റിയാദ്: റിയാദിനെ ലക്ഷ്യമാക്കി ഹൂതികള്‍ അയച്ചതെന്ന് കരുതുന്ന വ്യോമായുധം ആകാശത്ത് വെച്ച്‌ സൗദി റോയല്‍ എയര്‍ ഡിഫന്‍സ് ഫോഴ്സ് തകര്‍ത്തു. ശനിയാഴ്ച രാവിലെ 11 നാണ്‌ യമനി വിമത സായുധ സംഘമായ ഹൂതികള്‍ അയച്ചത്.
ലക്ഷ്യം കാണും മുമ്പ്‌ തന്നെ അതിനെ വായുവില്‍ വെച്ച്‌ തകര്‍ത്തെന്ന് യമന് വേണ്ടിയുള്ള സഖ്യസേന വക്താവ് കേണല്‍ തുര്‍ക്കി അല്‍മാലിക്കി അറിയിച്ചു. വന്‍ സ്ഫോടന ശബ്ദമാണ് കേട്ടതെന്ന് നഗരവാസികളില്‍ ചിലര്‍ അറിയിച്ചു.
സൗദി റോയല്‍ എയര്‍ ഡിഫന്‍സ് ഫോഴ്സ് തൊടുത്ത പ്രതിരോധായുധം ശത്രു ലക്ഷ്യത്തെ തകര്‍ക്കുന്ന ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിക്കുന്നുണ്ട്.
