സൗദിയിൽ സന്ദർശക വിസയിലെത്തുന്നവർക്കും ഇനി അബ്ഷീർ സേവനം

റി​യാ​ദ്: സൗ​ദി അ​റേ​ബ്യ​യി​ൽ സ​ന്ദ​ർ​ശ​ക വി​സ​ക​ളി​ലെ​ത്തു​ന്ന​വ​ർ​ക്കും ആ​ശ്രി​ത വി​സ​യി​ലു​ള്ള​വ​ർ​ക്കും ഇ​നി​മു​ത​ൽ ‌ഓ​ൺ​ലൈ​ൻ പോ​ർ​ട്ട​ലാ​യ ‘അ​ബ്ഷീ​റി’​ന്‍റെ സേ​വ​നം ല​ഭ്യ​മാ​കും. വി​വി​ധ സ​ർ​ക്കാ​ർ സേ​വ​ന​ങ്ങ​ളി​ലേ​ക്കു​ള്ള ഓ​ൺ​ലൈ​ൻ പ്ലാ​റ്റ്ഫോ​മാ​ണ് അ​ബ്ഷീ​ർ. കോ​വി​ഡ് വ്യാപന സാ​ഹ​ച​ര്യ​ത്തി​ൽ വി​വി​ധ ഓ​ൺ​ലൈ​ൻ സേ​വ​ന​ങ്ങ​ൾ സ​ന്ദ​ർ​ശ​ക​ർ​ക്കും വേഗത്തിൽ ലഭ്യമാക്കാൻ ഉദ്ദേശിച്ചാണ് ഇത്. സൗ​ദി പാ​സ്പോ​ർ​ട്ട് ഡ​യ​റ​ക്ട​റേ​റ്റാണ് ഇക്കാര്യം അറിയിച്ചത്.

സൗ​ദി പൗ​ര​ന്മാ​ർ​ക്കും ഇ​ഖാ​മ​യു​ള്ള വി​ദേ​ശി​ക​ൾ​ക്കും മാ​ത്ര​മേ നേരത്തേ അ​ബ്ഷീ​റി​ൽ അ​ക്കൗ​ണ്ട് തു​റ​ക്കാ​ൻ ക​ഴി​യു​മാ​യി​രു​ന്നു​ള്ളൂ. ഫാ​മി​ലി വി​സ​യി​ലു​ള്ള ആ​ശ്രി​ത​രാ​യ ഭാ​ര്യ, മ​ക്ക​ൾ, ര​ക്ഷി​താ​ക്ക​ൾ തു​ട​ങ്ങി ഓ​രോ​രു​ത്ത​ർ​ക്കും ഇ​നി അ​ക്കൗ​ണ്ട് തു​റ​ക്കാം. എ​ല്ലാ​വി​ധ സ​ന്ദ​ർ​ശ​ക വി​സ​യി​ൽ എ​ത്തു​ന്ന​വ​ർ​ക്കും ര​ജി​സ്റ്റ​ർ ചെ​യ്യാം. ഇ​തി​നാ​യി വി​വി​ധ മാ​ളു​ക​ളി​ലും മ​റ്റു​മാ​യി സ​ജ്ജീ​ക​രി​ച്ചി​രി​ക്കു​ന്ന സെ​ൽ​ഫ് സ​ർ​വി​സ് മെ​ഷീ​നോ (കി​യോ​സ്ക്) ജ​വാ​സാ​ത്ത് ഓ​ഫി​സു​ക​ളോ ഉ​പ​യോ​ഗ​പ്പെ​ടു​ത്താം.

ഇ​ഖാ​മ ന​മ്പ​റി​ന് പ​ക​ര​മാ​യി എ​യ​ർ​പോ​ർ​ട്ട് എ​മി​ഗ്രേ​ഷ​നി​ൽ​നി​ന്ന് ല​ഭി​ക്കു​ന്ന ബോ​ർ​ഡ​ർ ന​മ്പ​ർ ചേ​ർ​ത്താ​ൽ മ​തി. ഇ​തോ​ടൊ​പ്പം ഫോ​ൺ ന​മ്പ​ർ​കൂ​ടി ചേ​ർ​ത്താ​ൽ ര​ജി​സ്ട്രേ​ഷ​ൻ പൂ​ർ​ത്തി​യാ​ക്കാം. സർക്കാരിന്‍റ വി​വി​ധ സേ​വ​ന​ങ്ങ​ൾ​ക്കൊ​പ്പം ആ​രോ​ഗ്യ സേ​വ​ന​ങ്ങ​ളി​ലേ​ക്കും ഇ​തു​പ​യോ​ഗ​പ്പെ​ടു​ത്താം. ഒ​പ്പം സ​ന്ദ​ർ​ശ​ക വി​സ​യു​ടെ രേ​ഖ​ക​ളെ​ല്ലാം ഡി​ജി​റ്റ​ൽ രേ​ഖ​യാ​യി ഫോ​ണി​ൽ ല​ഭി​ക്കും. അ​ടു​ത്തി​ടെ രാ​ജ്യ​ത്തെ എ​ല്ലാ​വ​രു​ടെ​യും ഇ​ഖാ​മ ഡി​ജി​റ്റ​ലാ​യി മൊ​ബൈ​ലി​ൽ ല​ഭി​ക്കു​ന്ന അ​ബ്ഷീ​ർ ഇ​ൻ​ഡി​വി​ജ്വ​ൽ ആ​പ്ലി​ക്കേ​ഷ​നും മ​ന്ത്രാ​ല​യം വി​ക​സി​പ്പി​ച്ചി​രു​ന്നു.

ഇ​ഖാ​മ​ക്കും ഡ്രൈ​വി​ങ് ലൈ​സ​ൻ​സി​നും ഇ​സ്തി​മാ​റ​ക്കും പ​ക​രം യാ​ത്ര​ക​ളി​ൽ പൊ​ലീ​സി​നെ ഈ ​രേ​ഖ കാ​ണി​ച്ചാ​ലും മ​തി. നി​ല​വി​ൽ രാ​ജ്യ​ത്തെ ത​വ​ക്ക​ൽ​നാ ആ​പ്ലി​ക്കേ​ഷ​നും അ​ബ്ഷീ​റു​മാ​യി ബ​ന്ധി​പ്പി​ച്ചി​ട്ടു​ണ്ട്. സ​ന്ദ​ർ​ശ​ക വി​സ​യി​ലെ​ത്തു​ന്ന​വ​ർ​ക്ക് ജ​വാ​സാ​ത്ത് സേ​വ​ന​ങ്ങ​ൾ​ക്കും പു​തി​യ തീ​രു​മാ​നം ഗു​ണ​മാ​കും.