റിയാദ്: സൗദിയില് കോവിഡ് ബാധിച്ചു നാലുപേരാണ് ഇന്ന് മരിച്ചത്. ഇതോടെ ആകെ മരണസംഖ്യ 6350 ആയി ഉയര്ന്നു. പ്രതിദിന കോവിഡ് രോഗമുക്തി വീണ്ടും ഉയര്ന്നു. 203 പേരാണ് ശനിയാഴ്ച സുഖം പ്രാപിച്ചത്. കുറച്ചുദിവസമായി രോഗമുക്തിയെക്കാള് പുതുതായി രോഗം ബാധിക്കുന്നവരുടെ എണ്ണം ഉയര്ന്നുനില്ക്കുകയായിരുന്നു. അതിനാണിപ്പോള് മാറ്റം വന്നത്. 197 പേര്ക്കാണ് പുതുതായി കോവിഡ് സ്ഥിരീകരിച്ചത്.
രാജ്യത്ത് റിപ്പോര്ട്ട് ചെയ്ത കോവിഡ് കേസുകളുടെ ആകെ എണ്ണം 366185 ഉം രോഗമുക്തരുടെ എണ്ണം 357728 ഉം ആയി.
അസുഖ ബാധിതരായി ചികിത്സയില് കഴിയുന്നവരുടെ എണ്ണം വീണ്ടും 2107 ആയി ഉയര്ന്നു. ഇതില് ഗുരുതരാവസ്ഥയിലുള്ളവരുടെ എണ്ണം 329 ആയി. ഇവര് രാജ്യത്തെ വിവിധ ആശുപത്രികളില് തീവ്രപരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യസ്ഥിതി തൃപ് തികരമാണ്. രാജ്യത്തെ കോവിഡ് മുക്തി നിരക്ക് 97.7 ശതമാനവും മരണനിരക്ക് 1.7 ശതമാനവുമായി തുടരുന്നു.
കഴിഞ്ഞ 24 മണിക്കൂറിനിടെ വിവിധ മേഖലകളില് റിപ്പോര്ട്ട് ചെയ്ത പുതിയ കോവിഡ് കേസുകള്: റിയാദ് 78, കിഴക്കന് പ്രവിശ്യ 43, മക്ക 36, മദീന 10, അല്ബാഹ 6, ഹാഇല് 5, അസീര് 5, ഖസീം 5, ജീസാന് 3, നജ്റാന് 2.