ഖത്തറുമായുള്ള തര്‍ക്കം അവസാനിച്ചെന്ന് സൗദി

റിയാദ്: ഖത്തറുമായുള്ള ഖത്തറുമായുള്ള തര്‍ക്കം അവസാനിച്ചെന്ന് സൗദി വിദേശകാര്യ മന്ത്രി അമീര്‍ ഫൈസല്‍ ബിന്‍ ഫര്‍ഹാന്‍. അല്‍ഉലായില്‍ ചൊവ്വാഴ്​ച ജി.സി.സി രാജ്യങ്ങളുടെ ഉച്ചകോടിക്ക്​ ശേഷം നടത്തിയ വാര്‍ത്താസമ്മേളനത്തിലാണ്​ മന്ത്രി ഇക്കാര്യം വ്യക്തമാക്കിയത്​. സൗദി അറേബ്യ, ഇൗജിപ്​ത്​, യു.എ.ഇ, ബഹ്​റൈന്‍ എന്നീ രാജ്യങ്ങളും ഖത്തറും തമ്മിലുള്ള ബന്ധങ്ങള്‍ ഉടന്‍ പുനസ്ഥാപിക്കും. കൗണ്‍സിലില്‍ നേതൃത്വത്തി​െന്‍റയും സഹോദര രാഷ്​ട്രമായ ഇൗജിപ്തി​െന്‍റയും വിവേകപൂര്‍ണമായ നടപടികളിലൂടെയാണ്​ വിയോജിപ്പുകള്‍ക്ക്​ പൂര്‍ണമായ വിരാമവും നയതന്ത്രബന്ധങ്ങളുടെ സമ്പൂര്‍ണ തിരിച്ചുവരവുമുണ്ടായിരിക്കുന്നത്​. സല്‍മാന്‍ രാജാവി​െന്‍റ പ്രതിനിധിയായി കിരീടാവകാശി അമീര്‍ മുഹമ്മദ്​ ബിന്‍ സല്‍മാ​െന്‍റ അധ്യക്ഷതയില്‍ നടന്ന 41ാമത്​ ജി.സി.സി ഉച്ചകോടി കൗണ്‍സില്‍ സംവിധാനത്തി​െന്‍റയും അറബ്​ ദേശീയ സുരക്ഷയുടെയും പരമോന്നത താല്‍പര്യങ്ങളെ ഉയര്‍ത്തികൊണ്ടുവന്നു. ഒരു വീട്ടില്‍ എത്ര അഭിപ്രായ വ്യത്യാസങ്ങളുണ്ടെങ്കിലും ജി.സി.സി രഷ്​ട്രനേതാക്കള്‍ക്ക്​ അതെല്ലാം വിവേക​ത്തോടെ മറികടക്കാനും സുരക്ഷിത തീരത്തേക്കും രാജ്യത്തെയും ജനങ്ങളെയും എത്തിക്കാനും കഴിയുമെന്ന സന്ദേശം ലോകമെമ്ബാടും നല്‍കാന്‍ ഉച്ചകോടിയിലൂടെ കഴിഞ്ഞെന്നും വിദേശകാര്യ മന്ത്രി പറഞ്ഞു.

എല്ലാ പ്രശ്​നങ്ങളും അവസാനിപ്പിക്കാനുള്ള രാഷ്​ട്രങ്ങളുടെ പ്രതിബദ്ധത ഉറപ്പുനല്‍കുന്നതാണ്​ അല്‍ഉല കരാര്‍. കാര്യങ്ങള്‍ സ്വാഭാവികവും ശരിയായതുമായ പാതയിലേക്ക്​ മടങ്ങിവരുന്നതിനെ പ്രതിനിധീകരിക്കുന്നു. മേഖലയുടെ സുരക്ഷയും സ്ഥിരതയും വര്‍ധിപ്പിക്കുകയും ജനങ്ങളുടെ ആഗ്രഹങ്ങള്‍ യഥാര്‍ഥ്യമാക്കുകയും ചെയ്യുന്നതാണ്​ കരാര്‍. ഉഭയകക്ഷി ചര്‍ച്ചകളിലൂടെയും ഏകോപനത്തിലൂടെയും സഹകരണം വര്‍ധിപ്പിക്കുക, പ്രത്യേകിച്ച്‌​ തീവ്രവാദത്തിനും കുറ്റകൃത്യങ്ങള്‍ക്കുമെതിരെ സഹകരിച്ച്‌​ പ്രവര്‍ത്തിക്കുക എന്നിവ കരാറി​െന്‍റ ഉള്ളടക്കത്തിലുണ്ട്​.

ജി.സി.സി നേതാക്കളുടെ വിവേകവും കുവൈത്തി​െന്‍റ അശ്രാന്ത പരിശ്രമവും അമേരിക്കയുടെ പിന്തുണയും ഇല്ലായിരുന്നുവെങ്കില്‍ അല്‍ഉലാ കരാര്‍ യഥാര്‍ഥ്യമാക്കാന്‍ കഴിയുമായിരുന്നില്ല. കുവൈത്ത്​ മുന്‍ അമീര്‍ നടത്തിയ അശ്രാന്ത പരിശ്രമങ്ങള്‍ ഒാര്‍മിക്കപ്പെ​ടേണ്ടതുണ്ട്​. അതേ സമീപനമാണ്​ നിലവിലെ കുവൈത്ത്​ അമീര്‍ ശൈഖ്​ നവാഫ്​ അല്‍അഹ്​മദ്​ അല്‍ജാബിര്‍ അല്‍സ്വബാഹ്​ പിന്തുടര്‍ന്നത്​. 41ാത്​ ഉച്ചകോടിക്ക്​ വേണ്ടി യു.എ.ഇ നടത്തിയ ശ്രമങ്ങള്‍ക്ക്​ നന്ദിയുണ്ട്​. ഉച്ചകോടിയില്‍ ജി.സി.സി രാജ്യങ്ങളുടെ നേതാക്കളും തലവന്മാരും പൊതുതാല്‍പര്യമുള്ള പ്രാദേശികവും അന്തര്‍ദേശീയവുമായ നിരവധി വിഷയങ്ങള്‍ ​ചര്‍ച്ച ചെയ്​തതായും വിദേശകാര്യ മന്ത്രി പറഞ്ഞു.