റിയാദ്: സൗദിയില്‍ അക്കൗണ്ടന്റുമാരില്‍ 30 ശതമാനം സ്വദേശികളായി. സ്വദേശിവത്കരണത്തിന്റെ ഭാഗമായി 9800 പേര്‍ക്ക് അക്കൗണ്ടന്റുമാരായി ജോലി ലഭിച്ചെന്ന് മാനുഷിക ക്ഷേമ വകുപ്പ് മന്ത്രി അഹമ്മദ് അല്‍ രാജി അറിയിച്ചു. ബിരുദമുള്ളവര്‍ക്ക് ആറായിരം റിയാലും ഡിപ്ലോമയുള്ളവര്‍ക്ക് 4500 റിയാലും ശമ്പളമായി ലഭിക്കും.
അക്കൗണ്ട്‌സ് മാനേജര്‍, സകാത്ത് ആന്‍ഡ് ടാക്‌സ് ഡിപ്പാര്‍ട്ട്‌മെന്റ് മാനേജര്‍, ഫിനാന്‍ഷ്യല്‍ റിപ്പോര്‍ട്ടുകള്‍ വിഭാഗം മാനേജര്‍, ജനറല്‍ ഓഡിറ്റിംഗ് വിഭാഗം മാനേജര്‍, ഇന്റേണല്‍ ഓഡിറ്റര്‍, കോസ്റ്റ് അക്കൗണ്ടന്റ് തുടങ്ങിയ മേഖലകളിലാണ് സൗദികള്‍ ജോലിയില്‍ പ്രവേശിച്ചത്.
സ്വകാര്യമേഖലയില്‍ നിയമനം ലഭിക്കുന്ന സൗദി അക്കൗണ്ടന്റുമാര്‍ക്ക് പരിശീലനം മാനവ വിഭവശേഷിയും സാമൂഹിക വികസന സംവിധാനവും നല്‍കുന്നു. യോഗ്യതയുള്ളവര്‍ക്ക് മാന്യമായ തൊഴിലവസരങ്ങള്‍ പ്രദാനം ചെയ്യുകയാണ് ഗവണ്‍മെന്റ് നയം. തൊഴില്‍ വിപണിയില്‍ സൗദികളുടെ പ്രാതിനിധ്യം വര്‍ധിപ്പിക്കാനും തൊഴില്‍ വിപണിയില്‍ വെല്ലുവിളി നിറഞ്ഞ സ്ഥാനങ്ങള്‍ ഏറ്റെടുക്കുന്നതിന് യോഗ്യത നേടുന്നതിനായി അവരുടെ കഴിവുകളും കഴിവുകളും വര്‍ദ്ധിപ്പിക്കുന്നതിനായി നിരന്തരമായ പരിശീലനത്തിലൂടെ ദേശീയ മനുഷ്യ കേഡര്‍മാരുടെ ഉല്‍പാദനക്ഷമത വര്‍ദ്ധിപ്പിക്കാനും മന്ത്രാലയം ശ്രമിക്കുന്നുവെന്നും അദ്ദേഹം പറഞ്ഞു.
